काठमाडौंको सामाखुसी चोकमा रहेको सिटी स्क्वायर मलमा क्युएफएक्सको नयाँ हल संचालनमा आएको छ।
बिहीबार साँझ आयोजित समारोहमा दीपकराज गिरी, किरण केसी, रमेश उप्रेती, प्रकाश सपुत, जितु नेपाल, नीति शाह, निर्मल शर्मा लगायतका कलाकारले रिबन काटेर हलको विधिवत उद्घाटन गरेका हुन्।
तीन वटा पर्दा रहेको हलमा सिट संख्या ४९७ छ।
मलको नवौं तलामा खुलेको हलको ११ औं र १२ औं तलामा दर्शकलाई रिफ्रेसमेन्ट गर्नु परेमा कसमी बार एण्ड लाउन्ज समेत सञ्चालनमा ल्याइएको छ। विशेषत यो हलका सबै थिएटरमा पिक्चर्स र साउन्ड क्वालिटीलाई उच्च प्राथमिकतामा राखिएको संचालक सुमित मैनालीले बताए।
करिब १८ करोडको लागतमा निर्माणमा ल्याइएको यो हललाई नेपालकै अग्रणी मल्टिप्लेक्स चेन क्युएफएक्सले व्यवस्थापनको जिम्मेवारी लिएको छ।
योसँगै क्युएफएक्स हलको संख्या १७ पुगेको छ।
