नेपाली फिल्म 'सतीदेवी' को ट्रेलर सार्वजनिक गरिएको छ। लक्ष्मण सुवेदीको लेखन एवं निर्देशन रहेको यो फिल्म भदौ ७ गतेदेखि प्रदर्शनमा आउँदैछ।
सार्वजनिक ट्रेलरमा चारजना छोरी भएको परिवारको कथा देखाइएको छ। छोरा पाउने चाहनामा छोरी जन्माउने र अपहेलना गर्ने प्रवृत्तिलाई मर्मस्पर्शी रूपमा प्रस्तुत गरिएको छ।
सामाजिक कथामा महिला केन्द्रित फिल्म निर्माण गरिएको हो।
'छोरी बुझौं, छोरी पुजौं, यीनै संसार सारा' फिल्मको स्लोगन छ। यसअघि विभिन्न अवार्डमा समेत यो फिल्म उत्कृष्ट भएको थियो।
फिल्ममा शीर्ष भूमिकामा मलिका महतको अभिनय छ। साथमा सन्दीपबाबु लोहनी, रमेश बुढाथोकी, कुलदीप अधिकारी, भोलाराज सापकोटा, सिर्जना अधिकारीलगायतको अभिनय छ।
बाल कलाकारका रूपमा हर्षिका वली र मन्जिला बानियाँले अभिनय गरेका छन्।
दिलासा क्रिएसनको प्रस्तुति रहेको फिल्मको निर्माता श्रीदेवी सुवेदी, विशाल सुवेदी हुन्।
