मिलन चाम्सको निर्देशन रहेको फिल्म 'वर एण्ड वधु' को दोस्रो गीत सार्वजनिक गरिएको छ।
'इतिहासमै चर्चा चल्छ...' बोलको डान्सिङ शैलीको गीत शुक्रबार युट्युबमा सार्वजनिक गरिएको हो।
बिहेको प्रतिस्पर्धामा होमिएका दुई परिवारको दोहोरी यो गीतमा प्रस्तुत गरिएको छ। यसमा राजेश पायल राई र मेलिना राईको स्वर छ। अर्जुन पोखरेलको संगीत रहेको गीतका शब्द मुक्ता उदासका हुन्।
भिडिओमा फिल्मका मुख्य कलाकारहरू आँचल शर्मा, विवेक कर्माचार्य, गरिमा शर्मा, किरण केसी, विजय लामा, रविन्द्र खड्का, सृष्टि खड्का, कुसुम शर्मा, अंशु महर्जन र विजु पार्की लगायतलाई फिचर्ड गरिएको छ।
एलआरके इन्टरटेन्मेन्टको प्रस्तुति रहेको फिल्ममा जानुका थापाको लगानी छ। प्रदीप भारद्धाजको कथा लेखन रहेको फिल्ममा अमित रिमाल कार्यकारी निर्माताका रूपमा छन्।
सुदीप बरालको डीओपी, कविराज गहतराज र सुस्मिता वाइवाको कोरियोग्राफी, हिमाल केसीको एक्सन रहेको फिल्ममा मिलन श्रेष्ठको सम्पादन रहनेछ। फिल्म भदौ १४ गतेदेखि प्रदर्शनमा आउनेछ।
