कमेडियन मेक्सम गौडेल टेलिभिजन कार्यक्रम 'कमेडी नाइट विथ च्याम्पियन्स' मा फर्किएका छन्।
उनी करिब चार महिनापछि यो शोमा फर्किएका हुन्। सुरूका केही एपिसोडमा देखिएका उनी बिरामी परेपछि उपचारमा थिए।
मंगलबार प्रसारणमा आउन लागेको 'कमेडी नाइट विथ च्याम्पियन्स' को १९ औं एपिसोडमार्फत मेक्सन पुनः टेलिभिजन कार्यक्रममा फर्किएका हुन्। यो एपिसोडको ट्रेलर युट्युबमा सार्वजनिक भइसकेको छ। जहाँ उनी 'आफ्नै गाउँ फर्की आएँ' गीत गाउँदै सेटमा प्रवेश गरेका छन्।
प्यान्क्रियाजमा समस्या देखिएपछि मेक्सम भारतको मेदान्त अस्पतालमा उपचार गराउन गएका थिए। केही समयको उपचारपश्चात स्वास्थ्यमा सुधार आएपछि उनी गत महिना काठमाडौं फर्किएका थिए।
मेक्सन यसअघि 'छक्का पञ्जा ५' र 'फेरि रेशम फिलिली' जस्ता फिल्ममा समेत देखिएका थिए।
-1746009348.jpg)
