बलिउड अभिनेता कार्तिक आर्यन र अभिनेत्री नुसरत भरूचाको जोडीलाई दर्शकले रूचाएका थिए।
उनीहरूले 'प्यारका पन्चनामा' र 'सोनू के टीटूकी स्वीटी' मा अभिनय गरेका थिए। यी दुवै फिल्मले बक्स अफिसमा राम्रो कमाइ गरेको थियो। 'सोनू के टीटूकी स्वीटी' को सबै गीत हिट भएको थियो। तर 'बम डिगी डिगी' बोलको गीत सुपरहिट सावित भएको थियो।
जास्मिन वालियाको स्वर रहेको गीतमा जैक नाइट र कुमारको शब्द छ। यस गीतमा कार्तिक र सनी सिंह एक पार्टीमा डान्स गरिरहेका छन्। हाल यो गीतले १ अरबभन्दा बढी भ्युज पाएको छ।
यस गीतलाई दर्शकले अझै रूचाइरहेका छन्। हरेक पार्टीमा यो गीत बज्छ।
यो फिल्मले बक्स अफिसमा १०० करोडभन्दा बढि कमाएको थियो।
