दक्षिण भारतीय अभिनेता राम पोथिनेनीको सन् २०१९ मा आएको फिल्म 'आइस्मार्ट शंकर' ले बक्स अफिसमा तहल्का मच्चाएको थियो।
अब उनी फिल्म 'डबल आइस्मार्ट' लिएर सिनेमा घरमा आउँदैछन्। यो फिल्मको ट्रेलर सार्वजनिक गरिएको छ। सार्वजनिक ट्रेलरमा राम पाेथिनेनी र सञ्जय दत्तबीच भिडन्त देखाइएको छ।
पुरी जगन्नाथले निर्देशन गरेको फिल्ममा राम पोथिनेनी र सञ्जय दत्तसँगै काव्या थापरको मुख्य भूमिका छ। फिल्ममा सञ्जयले भिलेनको भूमिका निर्वाह गरेका छन्।
यो फिल्म अगस्त १५ देखि प्रदर्शन हुँदैछ। यसै दिन बलिउड फिल्म 'स्त्री २', 'खेल खेल में' र 'वेदा' पनि प्रदर्शन हुँदैछ।
