बलिउडका चर्चित सिक्वेल मध्ये एक हो फिल्म 'हेरा फेरी'। 'हेरा फेरी' को पहिलो भाग सन् २००० मा प्रदर्शन भएको थियो भने सन् २००६ मा यसको दोस्रो भाग 'फिर हेरा फेरी' प्रदर्शन भयो।
दुवै संस्करणमा अक्षय कुमार, परेश रावल र सुनील शेट्टीलाई दर्शकले निकै मन पराएका थिए। लामो समयदेखि दर्शक यसको तेस्रो भागको पर्खाइमा थिए। अब यस फिल्मको तेस्रो पार्टको तयारी सुरू भएको छ।
केही समयअघि यस फिल्ममा अक्षय कुमार नहुने खबर बाहिरिएको थियो। तर हालै सार्वजनिक भएको तस्बिरमा अक्षय कुमार, परेश रावल र सुनील शेट्टी एकसाथ देखिएका छन्। जसले 'हेरा फेरी ३' को तयारी भएको संकेत दिएको छ। फिल्मलाई अनिस बाज्मीले निर्देशन गर्नेछन्।
