भोजपुरी अभिनेत्री अक्षरा सिंहलाई ज्यान मार्ने धम्की आएको छ।
उनलाई फोन गरेर ५० लाख भारू फिरौती समेत मागिएको थियो। उनलाई ११ नोभेम्बरमा फरक-फरक नम्बरबाट फोन गर्दै फिरौती नदिए ज्यान मार्ने धम्की दिइएको हो।
यस धम्कीपछि उनले पटनामा एफआईआर दर्ता गरेकी थिइन्। उनले जिम्मेदार व्यक्तिलाई कानुनी कारबाहीको माग गरेकी छन्।
उनी 'बिग बोस ओटीटी १' को हिन्दी संस्करणमा देखिएकी थिइन्। उनले रवि किशनको फिल्म 'सत्यमेव जयते' बाट अभिनयमा डेब्यू गरेकी थिइन्। उनले 'सत्या', 'तबादला' र 'मां तुझे सलाम' जस्ता भोजपुरी फिल्ममा अभिनय गरेकी छन्।
उनी अभिनयसँगै गायनमा पनि सक्रिय छिन्। हालै रिलिज भएको 'मेरे दुबले पिया' बोलको गीत निकै हिट भएको थियो।
