दक्षिण भारतीय अभिनेता अल्लू अर्जुनको फिल्म 'पुष्पा २' को ट्रेलर रिलिज कार्यक्रममा उनका फ्यानलाई प्रहरीले लाठी प्रहार गरेको छ।
आइतबार बिहारको राजधानी पटनामा उनका फ्यानलाई प्रहरीले लाठीचार्ज गरेको हो। पटनाको गान्धी मैदानमा एक भव्य कार्यक्रम आयोजना गरिएको थियो। जसमा हजारौं दर्शकको भिड जम्मा भएको थियो।
अल्लू अर्जुन र रश्मिका मन्दना मञ्चमा उक्लिएपछि भिड अनियन्त्रित भएको थियो। भिडलाई नियन्त्रणमा लिन प्रहरीले फ्यानलाई लाठीचार्ज गरेको हो।
सुकुमार निर्देशित फिल्ममा अल्लु अर्जुन, रश्मिका मन्दना र फहद फासिलको मुख्य भूमिका छ। यो फिल्म डिसेम्बर ५ मा रिलिज हुनेछ।
