बलिउड अभिनेत्री सोनाली सहगल आमा बनेकी छन्।
भारतीय सञ्चारमाध्यम दैनिक भास्करका अनुसार उनले बुधबार राति सान्ताक्रूजको सूर्या अस्पतालमा छोरीलाई जन्म दिएकी हुन्। तर सोनाली र उनका श्रीमान आशीष सजनानीले औपचारिक घोषणा गरेका छैनन्।
सोनालीले २०२३ जुन ७ मा व्यवसायी आशीष सजनानीसँग विवाह गरेकी थिइन्। उनले अगस्टमा आमा बन्न लागेको घोषणा गरेकी थिइन्।
उनले 'प्यारका पञ्चनामा, प्यारका पञ्चनामा २, जय ममी दी, हाई ज्याक, वेडिङ पल्लभ' लगायत फिल्ममा अभिनय गरेकी छन्।
