बलिउड अभिनेत्री अथिया शेट्टी आमा बनेकी छन्।
अथियाले सोमबार छोरीलाई जन्म दिएकी छन्। अथिया र उनका श्रीमान केएल राहुलले सामाजिक सञ्जालमा एक पोस्ट गर्दै उक्त जानकारी दिएका हुन्।
अथिया र केएल राहुलको विवाह सन् २०२३ मा भएको थियो। उनीहरू ४ वर्षसम्म प्रेम सम्बन्धमा थिए। उनीहरू केही महिनाअघि मुम्बईमा एक लग्जरी अपार्टमेन्ट किनेका छन्।
अथियाले सन् २०१५ मा फिल्म 'हीरो' बाट अभिनयमा डेब्यू गरेकी थिइन्। यसपछि उनले 'मबारकां, नवाबजादे र मोतीचुर चकनाचूर' मा अभिनय गरेकी थिइन्। सन् २०१९ पछि उनी कुनै फिल्ममा देखिएकी छैनन्।
