अमेरिकाको राष्ट्रपति दौडमा रहेका डोनाल्ड ट्रम्पले न्यू ह्याम्पशायरमा प्राइमरी जितेका छन्।
मंगलबार भएको प्राइमरीमा उनले साउथ क्यारोलिनाका पूर्व गभर्नर निकी हालेलाई पराजित गरेका हुन्।
अन्तर्राष्ट्रिय सञ्चारमाध्यमहरूका अनुसार ट्रम्पले १ लाख ३९ हजार ४४६ भोट ल्याउँदा हालेले १ लाख १२ हजार ७७३ मत ल्याएका छन्।
ह्याम्पशायरमा पराजित भएपनि हालेले प्रतिस्पर्धाबाट नबाहिरिने बताएकी छन्। बरू फेब्रुअरी २४ मा उनकै राज्य साउथ क्यारोलिनामा हुने प्राइमरीको तयारी तीव्र पार्ने बताएकी छन्।
अमेरिकामा रिपब्लिकन पार्टीको प्राइमरीबाट अनुमोदन भएका व्यक्ति राष्ट्रपतिको उम्मेदवार बन्नेछन्।
