पञ्चकन्या समूहले जर्मन प्रविधिमा आधारित उच्च गुणस्तरको रंगीन लेमिनेटेड युपिभिसी प्रोफाइल (झ्याल–ढोकाको फ्रेम बनाउने मुख्य संरचना) 'पञ्चकन्या डिमेक्स युपिभिसी' बजारमा ल्याएको छ। नेपालमा रंगीन युपिभिसी उत्पादन गर्ने पञ्चकन्या पहिलो उद्योग हो।
युपिभिसी झ्याल, ढोका र पाइपजस्ता निर्माण सामग्री बनाउन प्रयोग गरिने एक प्रकारको कडा र टिकाउ प्लास्टिक (अनप्लास्टिसाइज्ड पोलिभिनाइल क्लोराइड) हो।
पञ्चकन्या डिमेक्स प्रालिका अध्यक्ष उज्ज्वल श्रेष्ठले नेपालमै विश्वस्तरीय निर्माण सामग्री उत्पादन गर्ने आफ्नो लामो समयदेखिको सपना साकार भएको बताए।
'यसले नेपाली बजारको माग पूरा गर्नुका साथै भविष्यमा निर्यातको सम्भावना पनि राखेको छ,' श्रेष्ठले भने।
औपचारिक उद्घाटन अहिले भए पनि पञ्चकन्या डिमेक्सका उत्पादनहरू सन् २०२४ बाटै बजारमा उपलब्ध भइसकेका थिए। कम्पनीले आर्थिक वर्ष २०८१/८२ मा करिब २० प्रतिशत बजार हिस्सा हासिल गरिसकेको दाबी गरेको छ।
पञ्चकन्या डिमेक्स युपिभिसी पञ्चकन्या समूह र रितेश सिलवाल तथा नारायण केसीको साझेदारीमा स्थापना भएको हो। यी दुवै व्यवसायी फेब्रिकेसन क्षेत्रमा लामो समयदेखि संलग्न छन्।
यसको उद्योग भैरहवामा दुई बिघा जमिनमा फैलिएको छ। हाल यसमा करिब ८० करोड रूपैयाँ लगानी भइसकेको कम्पनीले जनाएको छ।
-1753862722.jpeg)
बायाँबाट क्रमशः पञ्चकन्या समूहका निर्देशक आशिक श्रेष्ठ, पञ्चकन्या समूहका कार्यकारी निर्देशक तथा पञ्चकन्या डिमेक्स प्रालिका अध्यक्ष उज्ज्वल श्रेष्ठ र पञ्चकन्या डिमेक्सका प्रबन्ध निर्देशक रितेश सिलवाल
-1753862720.jpeg)
नेपाल युपिभिसीका लागि चीन र भारतबाट हुने आयातमा धेरै निर्भर रहेको अवस्थामा, पञ्चकन्या डिमेक्सले स्वदेशी माग पूरा गर्ने लक्ष्य राखेको छ।
नेपालको सबभन्दा ठूलो युपिभिसी उत्पादन कारखाना पञ्चकन्या डिमेक्सको हालको उत्पादन क्षमता ६ हजार टन रहेको श्रेष्ठले बताए।
अहिले नेपालमा वार्षिक १३ हजार टन युपिभीसी उपयोग हुने गरेको छ। यसमध्ये १० हजार टन पूर्ण रूपमा आयातीत हो भने ३ हजार टन नेपालमा उत्पादन भएको हो।
पञ्चकन्या डिमेक्सले नेपालमा पहिलो पटक रंगीन युपिभिसी उत्पादन गरेको हो। हाल ग्रे (खरानी), ब्ल्याक (कालो), वाल नट (गाढा खैरो) र गोल्डेन ओक (सुनौलो खैरो) गरी चार रङमा उपलब्ध छ।
यी उत्पादनहरूमा २० वर्ष (प्रिमियम सिरिजमा) र १५ वर्ष (इकोनोमिक सिरिजमा) को वारेन्टी प्रदान गरिएको छ।
कम्पनीले विश्वका प्रख्यात उद्योगहरूबाट रेजिन र केमिकलजस्ता कच्चा पदार्थ आयात गरी युरोपेली मापदण्ड र जर्मन प्रविधि अनुसार उत्पादन गरेको जनाएको छ। उत्पादनहरूले भारतीय (आइओएस) र युरोपेली (एसकेजेट) ल्याब परीक्षण पास गरेका छन्। एसकेजेट एक प्रमुख जर्मन परीक्षण र प्रमाणीकरण निकाय हो।
पञ्चकन्या डिमेक्सले सामना गरिरहेको एउटा प्रमुख चुनौती भनेको अन्तिम उपभोक्ताले 'प्रोफाइल' (झ्याल–ढोकाको फ्रेम बनाउने मुख्य संरचना) लाई नबुझ्नुका रूपमा लिएको पञ्चकन्या डिमेक्सका प्रबन्ध निर्देशक रितेश सिलवालले बताए।
उपभोक्ताले अन्तिम उत्पादन झ्याल र ढोकामा मात्र ध्यान केन्द्रित गर्छन्। यसबाहेक फेब्रिकेसन उद्योगमा प्राविधिक ज्ञानको कमी पनि अर्को चुनौती हो। यसले गर्दा राम्रो प्रोफाइल प्रयोग गर्दा पनि गुणस्तरीय झ्याल नबन्न सक्छ।
यो समस्या समाधान गर्न पञ्चकन्या डिमेक्सले नयाँ रणनीति अपनाएको छ।
-1753862720.jpeg)
-1753862717.jpeg)
प्रबन्ध निर्देशक रितेश सिलवालले भने, 'हामीले फेब्रिकेसन उद्योग सुदृढ पार्न तालिम र सचेतना कार्यक्रमहरू सञ्चालन गर्नेछौं। यसका लागि काठमाडौंमा दुई वटा र बुटवलमा एउटा गरी तीन वटा तालिम केन्द्र स्थापना गरेका छौं।'
यी तालिम कार्यक्रमहरूले फेब्रिकेटरहरूलाई मेसिन छनोट, प्रोफाइल काट्ने र जोड्ने विधिहरूका साथै उचित गुणस्तरको सिलिकन प्रयोग र रिइन्फोर्समेन्ट (झ्याल–ढोका मजबुत बनाउन प्रयोग गरिने भित्री संरचना) को महत्वबारे शिक्षित गर्ने बताइएको छ।
पञ्चकन्या डिमेक्सको लक्ष्य प्रोफाइल निर्माता मात्र नभई आफ्ना डिलरहरूका लागि पूर्ण समाधान प्रदायक बन्ने रहेको अध्यक्ष श्रेष्ठले बताए।
यसबाट भविष्यमा बजारबाट आउन सक्ने गुनासा कम गर्न मद्दत गर्ने कम्पनीको विश्वास छ।
कम्पनीले यस आर्थिक वर्ष चार नयाँ ब्रान्डहरू सार्वजनिक गरेको छ — पञ्चकन्या डिमेक्स, नियोप्लास्ट, टोनिस र साल।
यसलाई इकोनोमिक, मिडियम र प्रिमियम गरी विभिन्न सिरिजमा वर्गीकरण गरिएको छ। यिनको गुणस्तर र मूल्य फरक छ।
हाल यसको मुख्य शोरूम ललितपुरको जावलाखेलमा छ भने सहायक शोरूम झम्सिखेलमा छ।
आगामी आर्थिक वर्षमा नयाँ डिजाइनहरू ल्याउन र कारखानालाई पूर्ण रूपमा स्वचालित बनाउन थप १५/२० करोड रूपैयाँ थप लगानी गर्ने योजना छ। भविष्यमा कम्पनीले ग्लास (सिसा) उद्योगमा पनि प्रवेश गर्नेबारे छलफल गरिरहेको छ।
-1753862724.jpeg)
-1753862724.jpeg)
-1753862722.jpeg)
-1753862721.jpeg)
-1753862721.jpeg)
-1753862719.jpeg)
-1753862718.jpeg)
-1753862718.jpeg)
-1753862719.jpeg)
-1753862718.jpeg)
-1753862717.jpeg)
-1753862717.jpeg)
-1753862717.jpeg)
-1753862715.jpeg)
-1753862714.jpeg)
-1753862715.jpeg)
-1753862715.jpeg)
-1753862714.jpeg)
-1753862715.jpeg)
-1746009348.jpg)
