कृषि विकास बैंकले सूचना प्रकाशन गर्दै कर्मचारी माग गरेको छ।
बैंकले शाखा प्रमुख (तह ८), एमआइएस अधिकृत, व्यवसाय अधिकृत, कानुन अधिकृत, कम्प्युटर अधिकृत, कर्जा अधिकृत (तह ६) र लेखपाल (तह ४) पदमा ११८ जना कर्मचारी माग गरेको हो।
उमेर हद शाखा प्रमुखको २१ वर्ष पूरा भई ४५ वर्ष ननाघेको, अधिकृत स्तरको २१ वर्ष पूरा भई ३५ वर्ष ननाघेको र लेखपालको १८ वर्ष पूरा भई ३५ वर्ष ननाघेको हुनु पर्नेछ।
परीक्षा दस्तुर तह ८ र ६ को लागि एक हजार रूपैयाँ र समावेशी समूहतर्फ थप पाँच सय रूपैयाँ लाग्नेछ। तह ४ को लागि आठ सय रूपैयाँ र समावेशी समूहतर्फ थप चार सय रूपैयाँ लाग्नेछ।
योग्यता पुगेका इच्छुक नेपाली नागरिकले वैशाख ११ गतेसम्म र दोब्बर दस्तुर तिरेर वैशाख १८ गतेसम्म आवेदन दिन सक्नेछन्।
