प्रभु बैंकले काभ्रेपलाञ्चोक जिल्लाको बनेपा स्थित श्री चण्डेश्वरी उच्च माध्यमिक विद्यालयलाई ५ थान कम्प्युटर हस्तान्तरण गरेको छ।
काठमाण्डौ, बबरमहल स्थित प्रभु बैंकको प्रधान कार्यालयमा आयोजित एक कार्यक्रममा बैंकका प्रमुख कार्यकारी अधिकृत अशोक शेरचनले उग्रचण्डी नाला समाजका अध्यक्ष श्री चन्द्रलाल श्रेष्ठ मार्फत ५ थान कम्प्युटरहरु श्री चण्डेश्वरी उच्च माध्यमिक विद्यालायलाई हस्तान्तरण गरेका हुन्।
उक्त कम्प्युटर हस्तान्तरण पश्चात् चण्डेश्वरी उच्च माध्यमिक विद्यालयलाई कम्प्युटर प्रणाली मार्फत दैनिक प्रशासनिक क्रियाकलापमा सहयोग पुग्नुका साथै विद्यालयका शिक्षक, शिक्षिका, कर्मचारी, विद्यार्थीहरु तथा समग्र विद्यालय परिवारलाई सुचना तथा प्रविधिसँग साक्षात्कार गर्न थप मद्दत पुग्ने बैंकले जनाएको छ।
