नेपाल उद्योग परिसंघ अन्तर्गत पूर्वाधार समिति र प्रदेश तथा जिल्ला समन्वय समिति गठन भएको छ। परिसंघले आफ्ना गतिविधि
विस्तार गर्ने क्रममा दुई नयाँ समिति गठन गरेको हो।
परिसंघका राष्ट्रिय परिषद सदस्य आशिष गर्गको सभापतित्वमा परिसंघ अन्तर्गतको पूर्वाधारसमिति गठन भएको हो। परिसंघका
उपाध्यक्ष वीरेन्द्रराज पाण्डे समितिमा कोअर्डिनेटिङ उपाध्यक्ष छन्।
समितिले पूर्वाधार विकासका लागि आवश्यक नीतिगत व्यवस्थाका लागि सरोकारवाला निकासँग मिलेर काम गर्नेछ। यसैगरी पूर्वाधार विकासको क्षेत्रमा पैरवी पनि समितिले गर्नेछ।
समितिको सदस्यहरूमा अमुन थापा, आनन्द सुवेदी, अनुप उप्रेती, कमल पाण्डे, वर्षा श्रेष्ठ, बसन्तबहादुर चन्द, विद्यावारिधि सिग्देल, गणेश कार्की, गुरुप्रसाद न्यौपाने, मनिष खेमका, निकोलश पाण्डे, रामकृष्ण खतिवडा, सुधीर मित्तल र ताराप्रसाद पौडेल छन्।
यसैगरी परिसंघले प्रदेश र जिल्लाहरूमा परिसंघको भूमिका सक्रिय बनाउने उद्देश्यले राष्ट्रिय परिषद सदस्य लक्ष्मीप्रसाद सुवेदीको सभापतित्वमा प्रदेश एवं जिल्ला समन्वय समिति गठन गरेको छ।
परिसंघका उपाध्यक्ष कृष्णप्रसाद अधिकारी समितिको कोअर्डिनेटिङ उपाध्यक्ष छन्। समितिको सहसभापितमा एजाज आलम छन्।
समितिले प्रदेश एवं जिल्ला तहमा नीतिगत छलफल एवं अन्तर्क्रिया गर्ने, प्रदेशहरूमा उत्पादनमूलक अर्थतन्त्र निर्माणका लागि कानुन तर्जुमामा पहल गर्ने बताएको छ।
