बडवाइजरले जी.ई फेस्ट ग्यारेज इन्टरटेनमेन्ट र आइएसएस साउन्डले गोल्डस्टार सँगको सहकार्यमा आउँदो डिसेम्बर ४ मा छाँया सेन्टर ठमेलमा आयोजना गर्ने भएको छ।
महामारीपछि मौन रहेको उद्योगलाई यस सांगितिक कार्यक्रमले बढावा दिने विश्वास गरिएको छ। यस फेस्टको प्रमुख आर्कषण लोकप्रिय कलाकार स्वप्न सुमन र एलिमेन्टस् हुनेछ।
साथै अन्य कलाकारहरुमा ओएसिस थापा, प्रवेश कुमार श्रेष्ठ, सुशान्त घिमिरे, समिर श्रेष्ठ, आकाश खड्का, सितुसित र अंकित वैद्य रहेका छन् । नेपाली संगीत प्रेमिमाझ चर्चित बेक्चाले यहि कार्यक्रमबाट पहिलो पटक आफ्ना श्रोता सामु आउँदैछन्।
इभेन्टको प्रवेश शुल्क ५ सय तोकिएको छ। विषेशगरी आइएमइ एपबाट पनि गर्न सकिने छ। बिहान ११ः३० बजे प्रवेश गर्न सकिने यस कार्यक्रममा आफ्ना उत्पादनहरु प्रदर्शन र बिक्री गर्न स्टलहरु पनि हुनेछन्।
