विश्वका शक्तिशाली देशहरुका
मथिंगललाई समेत
परास्त गर्दै,
तिमीसँग युद्ध लडिरहेका
ती अबोधहरुको जिजीविषा माथि
प्रहार गरिरहेका कोरोनाहरु
एकदिन तिमीहरु विलय हुनेछौ।
धनी होस् वा गरिब, महिला होस् वा पुरुष
वर्ग हेरेनौ
पुँजीवादी होस् वा साम्यवादी
राजनीति हेरेनौ,
हिन्दु होस् वा मुस्लिम, इसाई होस् वा बुद्धिस्ट
धर्म हेरेनौ,
कालो होस् वा गोरो वर्ण हेरेनौ,
जात हेरेनौ
तर विभेद नराखिकनै
तिमी पराजय हुनेछौ!
विश्वलाई नै त्राहिमाम बनाउँदै
शून्यता बनाउन लागिपरेका
कोरोना विरुद्ध,
एक्काइसौं शताब्दीको चिकित्सा विज्ञान,
सूक्ष्म विज्ञान पक्कै पनि पराजित हुँदैन
धैर्य गर!
पीडामा छटपटिएका विश्वका मानवहरु
आधुनिक विज्ञानले पक्कै पनि
ती कोरोनामाथि अवश्य विजय प्राप्त
गर्ने सुत्र पहिल्याउने छन्,
त्यो दिन हामी विश्व झन्डा
अवश्य फहराउनेछौँ।
