नेपाली कांग्रेसको १४ औं महाधिवेशन अन्तर्गत महामन्त्रीमा कांग्रेस युवा नेता गगनकुमार थापा र विश्वप्रकाश शर्माले महामन्त्री पदमा जित हासिल गरेका छन्।
महामन्त्रीका लागि ६ जनाले उम्मेदवारी दिएका थिए। ४ जना प्रतिद्वन्द्वीलाई पछि पार्दै उनीहरूले जित हासिल गरेका हुन्।
अन्तिममत परिणाम अनुसार गगनले ३०३२ र विश्वप्रकाशले १९८४ मत ल्याएका थिए।
जितपछि उनीहरू पार्टी कार्यालय सानेपामा पुगेका थिए। उनीहरूका समर्थक/कार्यकर्ताहरूले अविर, फूलमालाले स्वागत गरेका थिए। उनीहरूको स्वागतमा उल्लेख्य भिड लागेको थियो। भिडलाई नियन्त्रण गर्न प्रहरीलाई हम्मेहम्मे परेको थियो।
सानेपामा पुगेका विश्वप्रकाशले आफू र गगन अब हल बाँधेर काम गर्ने बताएका थिए भने गगनले भने गलत व्यक्तिलाई छानेछु भन्ने अवस्था आउन नदिने बताएका थिए।
हेर्नुस् तस्बिरहरू जितपछि गगन-विश्वप्रकाश:
