नेपाली कांग्रेसको जारी महाधिवेशन अन्तर्गत प्रदेश २ को महिला केन्द्रीय सदस्यमा चित्रलेखा यादव विजयी भएकी छन्।
शुक्रबार भएको मतगणनामा २७३१ मत ल्याएर देउवा समूहकी यादव निर्वाचित भएकी हुन्। यादवले शेखर कोइराला समूहकी गीता चौधरीलाई ८४६ मतान्तरले पराजित गरिन्।
चौधरीले १८८५ मत ल्याइन्। यसअघि नै प्रदेश २ को भूगोलतर्फ पुरूषमा देउवा पक्षका आनन्द ढुंगाना र रमेश रिजाल निर्विरोध निर्वाचित भएका थिए।
केन्द्रीय सदस्यको खुलातर्फ मतगणना शनिबारदेखि सुरु हुने भएको छ। निर्वाचन समितिका अनुसार शनिबार १० बजेबाट मतगणना सुरू हुने भएको हो।
