स्वतन्त्र सांसद अमरेशकुमार सिंहले काठमाडौं महानगरपालिकाका मेयर बालेन शाहले कबाडी व्यवसायीमाथि ज्यादती गरेको बताएका छन्।
प्रतिनिधिसभाको सोमबारको बैठकमा बोल्दै सांसद सिंहले मेयर बालेन कबाडी व्यवसायीमाथि हिटलर शैलीमा प्रस्तुत भएको आरोप लगाए।
'हामी २०७२ को गणतान्त्रिक संविधानमा छौं। काठमाडौं सातै प्रदेशको राजधानी हो र सम्पूर्ण नेपालीको राजधानी हो। जसरी जर्मनीमा नाजीवादको उदय भएको थियो।इलेक्टेड शासक हिटलरबाट। त्यस्तै हिटलरको शैलीमा काठमाडौंका मेयर बालेन शाहले हिजो २७ गते कबाडीमाथि डोजर चलाए। ती गरिब, मजदुर थिए। तिनलाई घाइते बनाइयो। ती मजदुरमा मधेसी पनि छन्, मुस्लिम पनि छन्, दलित पनि छ, सबै गरिब तप्काका छन्,' उनले भने।
