प्रधानमन्त्री सुशीला कार्कीले कात्तिक १४ गते शुक्रबार उनको सरकारी निवास बालुवाटारमा सम्पादकहरूसँग अन्तर्क्रिया गरिन्। सो अन्तर्क्रिया क्रममा उनले एउटा राज खोलिन् जसले सबै सम्पादकहरूको ध्यान तान्यो।
उनले भदौ २४ गते बिहान आफू बानेश्वरस्थित सिभिल अस्पताल पुगेको, त्यहाँबाट दिनभरि नजिकैको एउटा घरमा थुनिएर बसेको र मध्यरातपछि मात्रै ज्यान जोगाएर घर पुगेको बताइन्।
भिडले बाटोमै आफूहरूलाई आक्रमण गर्न लागेका बेला अभिषेकले बडो साहस र चलाखीपूर्वक ज्यान जोगाएर घर पुर्याएको बताइन्।
प्रधानमन्त्री कार्कीले भनेका अभिषेक खासमा डाक्टर अभिषेक राज सिंह हुन्।
भदौ २४ गते सुशीला कार्की सिभिल अस्पातल पुग्दादेखि उनी प्रधानमन्त्री नियुक्त हुँदासम्मको घटनाक्रमका साक्षी हुन् अभिषेक राज सिंह।
भदौ २३ र भदौ २४ को घटनाक्रम, कार्की कसरी भदौ २४ गते सिभिल अस्पताल पुगिन्, त्यहाँबाट जोगाएर सिंहले कसरी उनलाई राती घर पुर्याए, कार्कीलाई कसले र कहिले प्रधानमन्त्री 'अफर' गर्यो र उनी कसरी प्रधानमन्त्री बनिन् भन्नेबारे कुरा गर्न मैले आज उनलाई सेतोपाटीको स्टुडिओमा निम्त्याएको छु।
हेर्नुहोस्, डा. सिंहसँगको अन्तर्वार्ता:
-1746009348.jpg)
