पोखराका तीन ठाउँमा बम भेटिएको छ ।
पोखराको विजयपुरको पुल पारी ओरालोमा प्रेसरकुकर बम फेला परेको हो । बमलाई नेपाली सेनाको टोलीले डिस्पोजको तयारी गरिरहेको कास्कीका प्रहरी प्रमुख एसपी दानबहादुर कार्कीले जानकारी दिएका छन् ।
प्रहरीले प्रेसरकुकर बम भेटिएको ठाउँलाई सुरक्षा घेरामा राखेको छ । त्यसैगरी पोखरा महानगरपालिका लेखनाथको हमाल चोकमा भटिएको सकेट बम सेनाले डिस्पोज गरेको छ ।
त्यसै गरी पोखरा १७ ड्यामसाइडमा पनि शंकास्पद बस्तु भेटिएको प्रहरीले जानकारी दिएको छ । विप्लव माओवादीले कार्यकर्ताको हत्या भएको भन्दै नेपाल बन्दको आव्हान गरेको छ ।
नेपाल बन्दका कारण सार्वजनिक बस सञ्चालनमा नआए पनि नीजि सवारी साधन भने संचालनमा आएका छन् । स्कुल कलेज, पसल र कलकारखना भने बन्द छन् ।
