नेकपा (एमाले) ले पार्टीको सचिवालय बैठक बोलाएको छ।
पार्टी कार्यालय च्यासलमा बिहीबार अपरान्ह १२ बजे एमाले सचिवालयको बैठक बस्न लागेको छ।
सचिवालयले केन्द्रीय कमिटी बैठकको मिति तोक्ने उपमहासचिव विष्णु रिमालले बताए।
आजको बैठकमा समसामयिक राजनीतिक विषयमा समेत छलफल हुने उनको भनाइ छ।
मंसिर ४ गते प्रतिनिधि सभा र प्रदेश सभाको चुनाव हुँदैछ। आजको बैठकमा एमालेको चुनावी रणनीतिबारे पनि छलफल हुने जनाइएको छ।
