इलाम–२ को उपचुनावअन्तर्गत् जारी मत गणनामा नेकपा (एमाले) का उम्मेदवार सुहाङ नेम्वाङले १६ हजार २१९ मत ल्याएका छन्।
३९ हजार ४२५ सदर मत गणना हुँदा सुहाङले ५ हजार ६६२ मतले अग्रता लिएका छन्।
उनका निकटतम प्रतिद्वन्द्वी नेपाली कांग्रेसका उम्मेदवार डम्बरबहादुर खड्काले १० हजार ५५७ मत ल्याएका छन्।
तेस्रो स्थानमा डकेन्द्रसिंह थेगिम छन्। मुढा चुनाव चिह्न भएका थेगिमले ८ हजार ८२५ मत ल्याउँदा राष्ट्रिय स्वतन्त्र पार्टीका उम्मेदवार मिलन लिम्बूले २ हजार ६४५ मत ल्याएका छन्।
फाकफोकथुम, चुलाचुली, मासेबुङ गाउँपालिका र माई नगरपालिकाको तुलनामा देउमाइ प्रवेश गरेपछि रास्वपाले मत बढाएको छ। इलाम २ का ४२ वडामध्ये अहिलेसम्म २६ वडाको मत गणना गरिसकिएको निर्वाचन आयोगले जनाएको छ।
यहाँ अहिलेसम्म सदर मत ३९४२५ छ।
१ लाख १५ हजार ८८९ मतदाता मध्ये शनिबार भएको चुनावमा ६९ हजार २८७ जनाले मतदान गरेका थिए।
२०७९ को चुनाव यस क्षेत्रमा एमाले उम्मेदवार सुवास नेम्वाङले जितेका थिए।
