इलाम क्षेत्र नम्बर २ को उपनिर्वाचनमा खसेको मत गणना भइरहेको छ।
इलाम- २ मा एमाले उम्मेदवार सुहाङ नेम्वाङले अग्रता फराकिलो पारेका छन्।
नेम्वाङले अहिलेसम्म १८१९६ मत पाएका छन्।
उनका निकटतम प्रतिष्पर्धी नेपाली कांग्रेसका डम्बरबहादुर खड्काले १२३३९ मत पाएका छन्।
नेम्वाङ र खड्काबीचको मतान्तर ५८५७ छ।
तेस्रो स्थानमा रहेका मूढा चुनाव चिन्हका स्वतन्त्र उम्मेदवार डकेन्द्रसिंह थेगिमले ९३३६ र रास्वपाका उम्मेदवार मिलन लिम्बूले ३०६७ मत पाएका छन्। अहिले देउमाई ७ सम्मको गणना सकिएको छ।
४४३७३ मत गन्दा ५९९ मत बदर भएको छ भने ४४९७२ मत गणना भएको छ।
२०७९ मा भएको प्रतिनिधि सभा चुनावमा इलाम- २ मा एमाले उम्मेदवार सुवास नेम्वाङले ३० हजार २० मत ल्याएर निर्वाचित भएका थिए भने कांग्रेसका उम्मेदवार डम्बर खड्काले २९ हजार ९ सय ६ मत ल्याएका थिए। त्यसबेला खड्का तत्कालीन सत्ता गठबन्धनबाट साझा उम्मेदवार थिए।