नेपाल कम्युनिष्ट पार्टी (एकीकृत समाजवादी) संसदीय दलको बैठक बसेको छ।
पार्टीका उपमहासचिव जगन्नाथ खतिवडाले सङ्घीय संसद् भवन नयाँ बानेश्वरमा सोमबार दिउँसो बैठक बसेको बताए।
यही वैशाख २८ गतेदेखि सुरू हुने सङ्घीय संसदको अधिवेशन, पार्टीको तयारी र समसामयिक विषयमा छलफल गर्न बैठक बसेको खतिवडाले जानकारी दिए।
‘अहिले हाम्रो पार्टी संसदीय दलको बैठक बसिरहेको छ। बैठकमा यही वैशाख २८ गतेदेखि सुरू हुने बजेट अधिवेशन, नीति तथा कार्यक्रमसँग जोडिएका विषय, प्रारम्भीक तयारी तथा समसामयिक विषयमा छलफल भइरहेको छ,’ उनले भने।