प्रतिनिधि सभाको बैठक फेरि सुरू भएको छ। प्रमुख प्रतिपक्षी नेपाली कांग्रेसले अवरोध गरेपछि स्थगित भएको बैठक पुनः सुरू भएको हो।
शुक्रबारदेखि सुरू भएको संसदको बर्खे अधिवेशनको पहिलो बैठक कांग्रेसको अवरोधका कारण स्थगित भएको थियो। त्यसपछि बैठक १५ मिनेटका लागि स्थगित भएको थियो।
बैठक सुरू हुने वित्तिकै कांग्रेसले फेरि रोष्ट्रम घेराउ र नाराबाजी गरिरहेको छ। बैठक सरू हुनासाथ कांग्रेसका नेताहरू नाराबाजी पनि सुरू गरेका हुन्।
बैठकमा सभामुख देवराज घिमिरेले गृहमन्त्री रवि लामिछानेले आफ्ना कुरा राख्न आग्रह गरिरहेको र उनको कुरा सुन्नुपर्ने बताएका छन्।
तर कांग्रेसका सांसदहरूले सहकारी प्रकरणमा गृहमन्त्री रवि लामिछाने पनि जोडिएको भन्दै संसदीय छानबिन समिति बनाउन माग गर्दै नाराबाजी गरिरहेका छन्।
उनीहरूले सहकारी पीडितहरूलाई न्याय दिनुपर्ने बताइरहेका छन्।