नेपाली कांग्रेसका सांसद गगन थापाले संघीय सरकारलाई सुझबुझ ढंगले काम गर्न सुझाव दिएका छन्।
सत्तारूढ कांग्रेसका महामन्त्रीसमेत रहेका थापाले जनआन्दोलनमा साथ दिएका जनता र नागरिक समाजले असन्तुष्टि जनाएकोले उनीहरूसँग संवाद गरिनुपर्ने बताए।
जनताको विश्वास आर्जन गर्ने कुरामा प्रधानमन्त्री केपी शर्मा ओलीको उनले ध्यानाकर्षण गराएका हुन्। यद्यपि प्रतिनिधि सभाको मंगलबारको बैठकमा महामन्त्री थापाले बोल्दा बैठकमा प्रधानमन्त्री ओली उपस्थित थिएनन्, प्रधानमन्त्री कोशी प्रदेश सभामा सम्बोधन गर्दै थिए।
महामन्त्री थापाले सरकारले गर्ने सबै खालका नियुक्तिमा पारदर्शीता हुनुपर्ने बताए भने सार्वजनिक हितका लागि कानुन निर्माण गरिनुपर्नेमा जोड दिए।
नेपाल विद्युत प्राधिकरणका कार्यकारी निर्देशक कुलमान घिसिङलाई ऊर्जा मन्त्रालयले पटक पटक र मन्त्रिपरिषदले पनि स्पष्टीकरण सोधेकोतर्फ लक्ष्य गर्दै महामन्त्री थापाले भने, ‘सरकार र मन्त्रीहरूले नचाहिँने ठाउँमा हात हाल्न हुँदैन। नदुखेको टाउको कपाल बाँधेर दुखाउने काम गर्न हुन्न।’
भिडिओ:
