प्रतिपक्षी दल राष्ट्रिय प्रजातन्त्र पार्टीकी सांसद रोशन कार्कीले गृहमन्त्री रमेश लेखकलाई धेरै फुर्ति नदेखाउन चेतावनी दिएका छन्।
प्रतिनिधि सभाको शनिबारको बैठकमा बोल्दै मानव तस्करीको नाममा किन नेपाली जनतालाई लुटेको आरोप लगाउँदै गृहमन्त्रीलाई फुर्ति नगर्न चेतावनी दिएका हुन।
'धेरै फुर्ति नदेखाउनुस् गृहमन्त्रीज्यु, एक दिन यस्तो समय आउँछ, पल्लो छेउबाट ओल्लो छेउ आउनुहुन्छ। तपाईंले दैनिक भिजिट भिसाका नाममा ५० लाख देखि एक करोडसम्म असुली गर्नुभएको छ। नेपाली जनतालाई बेच्नुभएको छ,’ उनले भनिन्।
गृहमन्त्रीलाई आफूले सोझो ठानेको तर चम्मु बाठो पाएको उनको भनाइ थियो।
‘गृहमन्त्रीज्युलाई मेरो एउटा प्रश्न छ, मानव तस्करीको नाममा निमुखा नेपाली जनतालाई किन लुटिँदैछ, यसको जवाफ छ, गृहमन्त्रीज्यु ? विपीले भन्नुभएको थियो, जो कार्यकर्ता नेताको ज्यादती सहेर बस्छन्, कि त ति चरम अवसरवादी हुन्, कि त दास हुन् । तपाईंहरु कुन वर्गमा पर्नुहुन्छ । गृहमन्त्रीज्युलाई मैले त सोझो ठानेको थिएँ, तर उहाँ त चम्मु बाठो हुनुहुँदो रहेछ । उहाँले त यस्तो समिति बनाउनु भयो की उहाँलाई फुत्किन र कमाई बचाउन धेरै सजिलो भयो,' उनले भनिन्।
