प्रधानमन्त्री केपी शर्मा ओलीले नेकपा (एमाले)भित्रका स्वार्थ तत्वलाई समयभन्दा अगाडि नै महाधिवेशन लाग्न सक्ने बताएका छन्।
शनिबार मदन भण्डारीको जन्मजयन्तीको अवसरमा राष्ट्रिय युवासंघले गरेको कार्यक्रममा बोल्दै कार्यकर्ताहरूलाई नलागे पनि स्वार्थ तत्वलाई महाधिवेशन लाग्न सक्ने बताएका हुन्।
'महाधिवेशन आउनु भन्दा अगाडिदेखि कार्यकर्तालाई नलागे पनि केही स्वार्थ तत्वलाई लाग्न सक्छ। महाधिवेशनको रडाको मच्चाउनसक्छन्,' उनल भने।
त्यस्ता तत्वहरूलाई प्रोत्साहन नगर्न पार्टी अध्यक्षसमेत रहेका प्रधानमन्त्री ओलीले कार्यकर्ताहरूलाई निर्देशन दिए।
'घोषणा हुनभन्दा अगाडि उनीहरुले आफ्ना-आफ्ना घोषणा गर्नसक्छन्। यस्ता खालका प्रवृत्तिहरुलाई हामी कसैले पनि प्रोत्साहन गर्दैनौँ, गर्न हुँदैन,' उनले भने।
ओलीले पार्टीको अहिलेको अर्जुनदृष्टि मिसन ०८४ मात्रै रहेको र त्यसमा कसैले बाधा पुर्याउन खोजे हिसाब किताब हुने चेतावनी पनि दिए।
'मिसन ०८४ हाम्रो अगाडि छ। द्रोणाचार्यले धनुर्विद्या सिकाउँदा चराको आँखो मात्रै देखेजस्तै हामी मिसन ०८४ देखिरहेका छौं। मिसन ०८४ मा बाधा कसैले पुर्याउन सक्दैन, पुर्याउन खोजे त्यसको हिसाब किताब गरिनेछ,' उनले भने।
उनले पार्टीलाई एकतावद्ध, अनुशासित, वैचारिक हिसावले स्पष्ट, संगठानिक हिसावले एकतावद्ध, अनुशासित बनाएरु लिएर जाने कुरामा पार्टी नचुक्ने दाबी गरे।
'एमालेका अरू कोही नेता, कार्यकर्ता पनि अुनशासनहिन ढंगले चल्ने छैनन् भन्ने मैले विश्वास लिएको छु,' उनले भने। -न्युज एजेन्सी नेपाल
