नेपाली कांग्रेसकी केन्द्रीय सदस्य उर्मिला थपलियाले कांग्रेस केन्द्रीय समिति र आमचुनावमा युवालाई कम्तीमा २० प्रतिशत स्थान दिनुपर्ने बताएकी छन्।
पार्टी केन्द्रीय समिति र आमचुनावमा टिकट दिँदा ४० वर्षमुनिकालाई २० प्रतिशत स्थान दिन उनले प्रस्ताव गरेकी हुन्।
बिहीबार सानेपामा बसेको केन्द्रीय समिति बैठकमा बोल्दै उनले पार्टीमा युवा प्रतिनिधितब बढाउनुपर्ने बताइन्।
‘त्यसका लागि पार्टी केन्द्रीय समिति, संघ, प्रदेश र स्थानीय तहको निर्वाचनमा पार्टीबाट उमेदवार बनाउँदा ४० वर्ष मुनिका २० प्रतिशत युवा अनिवार्य गर्नुपर्छ,’ उनले भनिन्।
साथै केन्द्रीय महाधिवेशन प्रतिनिधिलाई प्रदेश कार्यसमितिमा निर्वाचन लड्न नपाउने व्यवस्था गर्नुपर्ने उनको धारणा छ।
-1746009348.jpg)
