नेपाली कांग्रेसका सांसद शेखर कोइरालाले किसानप्रति सरकारको सोच नै गलत रहेको बताएका छन्।
शनिबार काठमाडौंमा स्व. गिरिजाप्रसाद कोइरालाको जन्मजयन्तीको अवसरमा आयोजित कार्यक्रमलाई सम्बोधन गर्दै उनले सकारात्मक सोचबाट अघि बढ्न जरुरी रहेको अवस्थामा सरकारको सोच नै गलत रहेको बताए।
उनले सरकारले उखु किसानलाई दिँदै आएको अनुदान कटौती गरेकोप्रति आपत्ति जनाए।
'यो सरकारको सोच कति गलत छ हेर्नुस् । सभापतिजीलाइ थाहा नै छैन । २५ वर्षदेखि सुगर किन्न अनुदान दिइरहेको थियो । उखु किसानलाई । यस पटक अनुदान छैन, किनभने सरकारसँग पैसा छैन । जम्मा डेढ अर्ब लाग्थ्यो । मन्त्रीहरु विदेश गएको गइ देख्छु । दुई चार पटक मन्त्रीहरु विदेश नगइदिए त डेढ अर्ब त यहीँ उठिहाल्छ । यस्तो सोच राखौँ । आम किसानलाई त दिनुपर्छ । किसानलाई नयाँ टाइपले हेर्नुपर्छ,’ उनले भने।
उनले आफूले अहिले पनि २० बिगाह जग्गामा उखु खेती गरिरहेको बताए ।
-1746009348.jpg)
