उपप्रधानमन्त्रीसमेत रहेका सहरी विकास मन्त्री प्रकाशमान सिंहको सचिवालयले राज्यका निर्देशक सिद्धान्त, नीति र दायित्वको कार्यान्वयन अनुगमन तथा मूल्यांकन समितिको आजको बैठकमा मन्त्री सिंह उपस्थित हुन नसक्ने जानकारी पहिले नै समितिलाई दिइएको बताएको छ।
मन्त्रीको समय नमिलेको र उक्त बैठकमा मन्त्रालयका तर्फबाट सचिव र भवन निर्माण विभागका महानिर्देशक पुगेको पनि सचिवालयको भनाइ छ।
‘आजको बैठकका लागि उपप्रधानमन्त्रीज्यूको समय नमिल्नेबारे समितिलाई जानकारी दिइसकिएको थियो,’ उपप्रधानमन्त्री सिंहका प्रेस संयोजक जगन्नाथ दुलालले भने, ‘समितिको बैठक बस्ने भएपछि मन्त्रालयका तर्फबाट सचिव र सहरी विकास तथा भवन निर्माण विभागको महानिर्देशकसहित पुग्नुभएको थियो। समय मिल्दैन भनेर पूर्वजानकारी गराइएको विषयलाई मन्त्री नआएकाले बैठक स्थगित भन्दै गरिएको प्रचारमा सत्यता छैन।’
बैठकमा सिंहदरबारस्थित निर्माणाधीन संघीय संसद भवन निर्माणको हालको कार्यतालिका र सो कार्यतालिका कार्यान्वयन सुनिश्चित गर्ने मन्त्रालयको तयारी सम्बन्धमा छलफल गर्ने कार्यसूची थियो।
समितिको बैठकमा बोल्दै सभापति ठाकुर गैरेले संसद भवन निर्माण प्रगति र तीन महिना म्याद थपबारे तीन दिनभित्र लिखित जबाफ पठाउन समितिले निर्देशन दिए पनि मन्त्रालयले अटेर गरेको बताएका थिए।
यो पनि:
समितिमा मन्त्री नआएपछि सांसदहरूको आक्रोशः मन्त्री र सरकार जबाफदेही नभए समिति नै खारेज गरौँ
-1746009348.jpg)
