नागरिक उन्मुक्ति पार्टी (नाउपा) मा अन्तरकलह पुनः चुलिएको छ।
संरक्षक रेशम चौधरी पक्षले राष्ट्रिय भेला बोलाएर अध्यक्ष रञ्जिता चौधरीलाई अध्यक्षबाट हटाएको भोलिपल्ट उनले दलका नेता गंगा चौधरीलाई स्पष्टीकरण सोधेकी छिन्।
उनले अस्वस्थताको कारणले काबु बाहिरको परिस्थिति परी पार्टीको गतिविधिहरूमा पूर्ण रुपमा सक्रिय हुन नसकेको अवस्थामा केन्द्रीय कमिटी बैठक बोलाएको भन्दै दलका नेतालाई स्पष्टीकरण सोधेको बताएकी छिन्।
‘बिरामी परी उपचाररत रहेको अवस्थामा मेरो अनुपस्थितिमा बिना कुनै जानकारी विधान विपरीत तपाईंको नेतृत्व एवं सक्रिय संलग्नतामा साउन ३, ९ र ११ गते पार्टीको अन्तरिम विधान, २०७८ ले दिएको अधिकारभन्दा बाहिर गई बैठक बसी गैरकानूनी निर्णयहरू गरेको पाइएको विधानको धारा १७ बमोजिम किन कारबाही नगर्ने, भनेर स्पष्टीकरण सोधिएको छ। प्रस्तुत पत्र प्राप्त भएको मितिले २४ घन्टाभित्र आधार कारणयुक्त एवं चिक्त बुझ्दो स्पष्टीकरण पेस गर्नुहोला। अन्यथा पार्टीको विधान बमोजिम तपाईंलाई कारबाही हुने व्यहोरा समेत जानकारी गराइन्छ,’ स्पष्टीकरण पत्रमा भनिएको छ।
नाउपाको राष्ट्रिय भेला मध्यबानेश्वस्थित सनराइज क्याफेमा जारी छ।
राष्ट्रिय भेलाले अध्यक्ष तोक्ने तयारी गरेको छ।
भेलाको अध्यक्षता रामलाल डगौरा थारूले गरेका छन्। रञ्जिता भने भेलामा गएकी छैनन्।
-1753959927.jpeg)
-1746009348.jpg)
