नेकपा माओवादी केन्द्रले कोशी प्रदेश सरकारले ल्याएको आमसञ्चार विधेयकप्रति पत्रकार महासंघसहित सञ्चार सम्वद्ध संस्थाका मागमा ऐक्यबद्धता जनाएको छ।
कोशी प्रदेशसभा बैठकमा आइतबार बोल्दै सो पार्टीका सांसद दुर्गाप्रसाद चापागाईंले पत्रकार र सञ्चार सम्वद्ध संस्थाका आवज सुन्न र उनीहरूका माग सम्बोधन गर्न माग गरे।
कोशीको आन्तरिक मामिला तथा कानून मन्त्रालयले प्रदेश सभामा प्रस्तुत गरेको विधेयकका प्रावधान प्रेस स्वतन्त्रता विरोधी रहेको भन्दै पत्रकार महासंघ आन्दोलनमा छ।
‘प्रदेश आमसञ्चार विधेयक विचाराधीन अवस्थामा छ। प्रदेश भरिका सञ्चारकर्मी/पत्रकारहरू यसका विरूद्धको संघर्षमा छन्,’ चापागाईंले भने, ‘म सरकारलाई पत्रकार महासंघ र सञ्चारकर्मीका आवाज सुन्न र माग सम्बोधन गर्न आग्रह गर्दछु।’
उनले आमसञ्चार विधेयकमा विवाद जारी रहेको र सरकारी कामकाजको भाषासम्बन्धी विधेयक अलपत्र अलपत्र छाडेर प्रदेशसभाको जारी सातौं अधिवेशन अन्त्य गर्न उद्धत रहेको बताए।
सत्तारुढ कांग्रेस र एमाले संघमा मात्र नभई प्रदेशमा पनि सरकार सञ्चालनमा असफल साबित भइसकेको दाबी उनले गरे। उनले प्रतिपक्षी दलका हैसियतमा राम्रो कामका लागि सरकारलाई रचनात्मक सहयोग गर्न तयार रहेको भन्दै संसद छलेर नभाग्न चुनौती दिए।
‘संसद छल्न होइन, नयाँ-नयाँ बिजनेस क्रिएट गर्नमा लाग्नुहोस् तपाईंहरूलाई रचनात्मक सहयोग गर्न प्रतिपक्षी दलहरू तयार छौं। अन्यथा तपाईंहरूको असमक्षता र असफलताको भागिदार बन्न तयार छैनौं,’ चापागाईंले भने।
-1746009348.jpg)
