नेपाली कांग्रेसको विशेष महाधिवेशन माग गर्दै हस्ताक्षर बुझाएकाहरूले आज नयाँ बानेश्वरमा भेला गरेका छन्।
काठमाडौंको नयाँ बानेश्वरस्थित थापागाउँ ब्याङ्केटमा आज मध्याह्नदेखि भेला सुरू भएको हो।
१४ औं महाधिवेशनका ४७४३ महाधिवेशन प्रतिनिधिमध्ये २४८८ जनाले विशेष महाधिवेशन माग गर्दै हस्ताक्षर गरेका थिए।
उनीहरूले असोज २९ गते कार्यवाहक सभापति पूर्णबहादुर खड्कालाई भेटेर हस्ताक्षर बुझाएर विशेष महाधिवेशन माग पनि गरिसकेका छन् तर प्रक्रिया अघि बढेको छैन।
त्यसैले खबरदारी गर्न भेला आयोजना गरिएको नेताहरूले बताएका छन्।
भेलामा लुम्बिनी सभापति अमरसिंह पुन मगर, काठमाडौं र ललितपुर जिल्ला सभापतिलगायत पनि सहभागी छन्।
साथै नेताहरू देवराज चालिसे, गुरूराज घिमिरे, डिल्लीराम सुवेदीलगायत उपस्थित छन्।
कांग्रेस विधानको धारा १७ को उपधारा २ मा विशेष कारण खुलाएर ४० प्रतिशत महाधिवेशन प्रतिनिधिले विशेष महाधिवेशन माग गर्न सक्ने व्यवस्था छ।
सोहीअनुसार ५४ प्रतिशत महाधिवेशन प्रतिनिधिहरूले विशेष कारण खुलाएर विशेष महाधिवेशन माग गरे पनि कांग्रेसले विशेष महाधिवेशन प्रक्रिया सुरू गरेको छैन।
पार्टीका शीर्ष नेताहरू नियमित महाधिवेशनका पक्षमा उभिएका छन् तर सहमतिको कार्यतालिका भने अहिलेसम्म निर्माण हुन सकेको छैन।
तस्बिरहरू:
-1762243134.jpg)
-1762243134.jpg)
-1762243133.jpg)
-1762243133.jpg)
-1762243132.jpg)
-1762243132.jpg)
-1762243131.jpg)
-1762243131.jpg)
-1762243130.jpg)
-1762243130.jpg)
सबै तस्बिर: नेपाल फोटो लाइब्रेरी।
-1762243131.jpg)
-1746009348.jpg)
