नेपाली कांग्रेसका सभापति शेरबहादुर देउवा पक्षले पनि केन्द्रीय समिति बैठकमा १५ औं महाधिवेशन कार्यतालिका पेस गरेको छ।
सहमहामन्त्री महेन्द्र यादवले आजको केन्द्रीय समिति बैठकमा वैशाखमा १५ औं महाधिवेशन प्रस्ताव गर्दै कार्यतालिका पेस गरेका हुन्।
‘२०८३ साल वैशाख २७, २८ र २९ गतेसम्म १५ औं केन्द्रीय महाधिवेशन गर्ने,’ सहमहामन्त्री यादवले केन्द्रीय समितिमा भने।
यसअघि केन्द्रीय समितिमा महामन्त्री गगन थापाले पुस १६ देखि १९ गतेसम्म महाधिवेशन गर्ने गरी कार्यतालिका पेस गरेका थिए।
सभापति देउवा पक्ष फागुन २१ को चुनावपछि वैशाखमा मात्र महाधिवेशन गर्ने पक्षमा उभियो भने महामन्त्रीद्वय गगन थापा र विश्वप्रकाश शर्मा चुनावअघि पुस १६ देखि १९ गतेसम्म महाधिवेशन गर्ने पक्षमा उभिएका छन्।
अब केन्द्रीय समितिमा यी दुई प्रस्तावमाथि छलफल भएर निष्कर्षमा पुग्ने तयारीमा नेताहरू छन्।
कार्यवाहक सभापति पूर्णबहादुर खड्काले आजको केन्द्रीय समिति बैठक सुरू गर्दै गर्दा केन्द्रीय समितिमा आएका सबै प्रस्तावमाथि मिहिन ढंगले छलफल गरेर पार्टीले सहमतिमै निर्णय लिने बताएका थिए।
यो पनि:
महामन्त्री थापाले केन्द्रीय समितिमा प्रस्तुत गरे कांग्रेस महाधिवेशन कार्यतालिका
-1746009348.jpg)
