बारा जिल्लाको सिमरामा आज भएको घटनाप्रति गृह मन्त्रालयले गम्भीर ध्यानाकर्षण भएको जनाएको छ।
घटनापछि सिर्जित अवस्थालाई नियन्त्रणमा ल्याई स्थिति सामान्य बनाउने कार्य स्थानीय प्रशासनले गरिरहेको मन्त्रालयले जानकारी दिएको छ।
मन्त्रालयका अनुसार स्थिति सामान्य हुँदै गइरहेको छ।
मन्त्रालयले वर्तमान सरकार मुलुकमा शान्ति व्यवस्था तथा अमनचयन कायम गर्दै तोकिएको मितिमै निर्वाचन सम्पन्न गराउने प्रतिबद्धता व्यक्त गरेको छ। सो उद्देश्य पूरा गर्न सबै पक्षको सहयोग आवश्यक रहेको पनि मन्त्रालयले विशेष जोड दिएको छ।
गृह मन्त्रालयले राजनीतिक, सामाजिक तथा सार्वजनिक कार्यक्रम स्थानीय प्रशासनसँग समन्वय गरी मर्यादापूर्वक सञ्चालन गर्न आग्रह गरेको छ।
शान्तिपूर्ण अभिव्यक्ति र जमघटका संवैधानिक हक प्रयोग गर्दा संयमता, संवाद, समन्वय र सहमति अपरिहार्य रहेको मन्त्रालयको भनाइ छ।
'शान्तिपूर्ण तरिकाले कार्यक्रम सञ्चालन गर्न तथा संवैधानिक हकको प्रचलनका लागि सबै पक्ष गम्भीर हुनु आवश्यक छ,' मन्त्रालयले जारी गरेको विज्ञप्तिमा भनिएको छ।
-1746009348.jpg)
