राष्ट्रिय प्रजातन्त्र पार्टीका महामन्त्री धवल शम्शेर राणाले नेपालमा अब सक्रिय राजतन्त्र सम्भव नरहेको बताएका छन्।
मंगलबार काठमाडौंमा पार्टीले गरेको जनसभालाई सम्बोधन गर्दै उनले सक्रिय राजतन्त्रसँग आफूहरू सहमत नरहेको बताए।
‘धेरै साथीहरूले सक्रिय राजतन्त्रका कुरा गर्छन्। त्यो कुरासित हामी सहमत छैनौं। अब सक्रिय राजसंस्था होइन। संवैधानिक राजसंस्था आवश्यक छ। यो कुरा मैले राजासँग पनि सोधेर स्पष्ट पारेको छु। नेपालीका छोराछोरीले देश चलाउने हो। अभिभावकको भूमिका राजसंस्थाले गर्नुपर्छ। यो विषयमा हामी स्पष्ट हुनुपर्छ। सनातन हिन्दु अधिराज्य कायम गर्ने यो सभा हो। यो चेतना जगाउने ठाउँ हो,’ उनले भने।
– न्युज एजेन्सी नेपाल
-1746009348.jpg)
