गृह मन्त्रालयले तराई/मधेसका बाढीपीडितलाई आफूखुसी राहत वितरण गर्न रोक लगाएको छ।
गृहमन्त्री जनार्दन शर्माको अध्यक्षतामा सोमबार बसेको केन्द्रीय दैवी प्रकोप उद्धार समितिको बैठकले व्यक्ति र गैरसरकारी संस्थाले आफूखुसी राहत बाँड्दा कसैले दुई/तीन पटक राहत पाउने र कसैले एक पटक पनि नपाउने अवस्था हुने भएकाले सरकारी संयन्त्रसँगको समन्वयमा मात्र राहत वितरण गर्ने निर्णय गरेको हो।
अब राहत वितरण गर्न चाहनले जिल्लास्थित दैवी प्रकोप उद्धार समितिसँग समन्वय गर्नुपर्ने मन्त्रालयका सहसचिव केदार न्यौपानेले बताए।
केन्द्रीय स्तरमा राहत दिन चाहनेले मन्त्रालयले बनाएको राहत संकलन संयोजन समितिमा सम्पर्क गर्न सक्ने व्यवस्था गृहले मिलाएको छ।राहत दिन चाहनेले थापाथलीस्थित नेपाल खाद्य संस्थानको गोदाम र त्रिभुवन विमानस्थलमा रहेको विश्व खाद्य कार्यक्रमको गोदाम घरमा राहत सामाग्री दिन सक्ने व्यवस्था गृहले गरेको छ।
-1746009348.jpg)
