जिल्ला समन्वय समिति भोजपुरमा नेकपा (एमाले) र नेकपा (माओवादी केन्द्र) को गठबन्धन विजयी भएको छ ।
सोअनुसार जिसस प्रमुखमा एमालेका लक्ष्मण खड्का र उपसभापतिमा माओवादी केन्द्रका अनिशा खड्का विजयी भएका छन् । अल्पसङ्ख्यक सदस्य र महिला सदस्य यसअघि निर्विरोध भए पनि प्रमुख र उपप्रमुखका लागि सोमबार निर्वाचन भएको मुख्य निर्वाचन अधिकृत प्रकाश श्रेष्ठले बताए ।
एमाले र माओवादी केन्द्र मिलेर १३ तथा नेपाली काँग्रेसको पाँच मत थिए । काँग्रेसबाट डम्बर श्रेष्ठले उम्मेदवारी दिएका थिए । तीन महिला र कम्तीमा एक दलित वा अल्पसङ्ख्यकसहित गरी नौ सदस्यीय जिसस बनाइएको हो । रासस
-1746009348.jpg)
