सासंद राधेश्याम अधिकारीले राजनीतिक हस्तक्षेपको कारण चिकित्सा क्षेत्र पछाडि धकेलिदै गएको बताएका छन् ।
मङ्गलबार बसेको व्यवस्थापिका संसदको बैठकमा उनले सो कुरा बताएका हुन् ।
उनले चिकित्सा शिक्षा सुधारका लागि ११ अौं पटक अनसन बसिरहेका सत्याग्रही डा. केसीकाे माग यथाशीघ्र पूरा गर्नुपर्ने माग गरे । बैठकमा बोल्दै उनले भने, ‘उहाँकाे व्यक्तिगत स्वार्थ केही छैन। उहाँको जीवन रक्षा गरौँ।असान्दर्भिक माग छन् भने पछि पनि छलफल गरेर मिलाउन सकिन्छ तर माग पूरा गरौँ।’
यसका साथै, उनले मेडिकल कलेजहरूले नेपाल मेडिकल काउन्सिलको मापदण्ड पूरा नगरेका र राजनीतिक दबाबमा धेरै कलेज खुलेका बताए ।
हाे डाक्टर केसी हठी र जिद्दी हुनुहुन्छ । यदि यस्तो नभएको भए एघार पटक काेही अनशन बस्दैन भन्दै उनले चिकित्सा शिक्षालाई व्यवस्थित गरौँ भन्ने डा. केसीको माग पूरा गराउन सम्बन्धित निकायलाई ध्यानाकर्षण गराए ।
-1746009348.jpg)
