सांसदहरुले सरकारी कर्मचारी विदेश भ्रमणमा लुप्त हुँदै गएको, नेपाल आयल निगमले जग्गा खरीदमा गरेको भ्रष्टाचार तथा सडकको दूराअवस्था प्रति सरकारको गम्भीर ध्यानाकर्षण गराएका छन् ।
व्यवस्थापिका संसदको बुधबारको बैठकको शून्य समयमा बोल्ने सांसदहरुले नेपाल आयल निगमले जग्गाा खरीदमा गरेको भ्रष्टाचारको यथार्थ छानबिन गर्न संसदीय छानबिन समिति गठन गरी सत्य तथ्य संसदलाई जानकारी गराउन सरकारको ध्यानाकर्षण गराएका हुन् । नेकपा माओवादी केन्द्रकी सांसद भेष कुमारी राउतले निगममा भएको भ्रष्टाचारको छानबिन गर्न तत्काल संसदीय समिति गठन गर्न माग गरिन् ।
सांसद भक्तबहादुर विश्वकर्मा खपाङीले सरकारी कर्मचारी विदेश भ्रमणमा मात्र लुप्त हुँदै गएको भन्दै त्यस कार्यलाई रोक्न सरकारको ध्यानाकर्षण गराए ।
सांसदहरुले बाढी र डुबान प्रभावितलाई प्रभावकारी उद्धार तथा राहतको व्यवस्था गर्न पनि सरकारको ध्यानाकर्षण गराए ।
हेर्नुहोस् भिडियोमा
https://www.facebook.com/setopati/videos/1550758328328068/
-1746009348.jpg)
