प्रधानमन्त्री शेरबहादुर देउवाले नेपाली काँग्रेसका नेता एवं पूर्व उपप्रधानमन्त्री विमलेन्द्र निधिको स्वास्थ्य अवस्थाका बारेमा जानकारी लिएका छन् ।
आज बिहान चाबहिलस्थित ओम अस्पतालमा पुगेर उनले त्यहाँ उपचाररत नेता निधिको स्वास्थ्य अवस्थाका बारेमा जानकारी लिएका प्रधानमन्त्रीका प्रेस संयोजक गोविन्द परियाले जानकारी दिए ।
सोमबार राति अचानक पेट दुखेपछि नेता निधि चाबहिलस्थित ओम अस्पतालमा भर्ना भएका थिए । नेता निधिलाई ग्यासट्राइटिस सिभियरको समस्या देखिएको उपचारमा संलग्न डा राहुल पाठकले जानकारी दिए ।
नेता निधिको आज बिहान सफलतापूर्वक इण्डोस्कोपी गरिएको बताइएको छ । चिकित्सकले नेता निधिलाई केही दिन आराम गर्न सल्लाह दिएका छन् । रासस
-1746009348.jpg)
