राष्ट्रिय प्रजातन्त्र पार्टीका अध्यक्ष कमल थापाले संविधान संशोधनसम्बन्धी विधेयकमा संसद्मा आइतबारदेखि हुने बहसमा हिन्दू राष्ट्र पुनःस्थापनाको विषय पनि प्रवेश गराउन माग गरेका छन् ।
शनिबार काठमाडौंमा आयोजित पत्रकार सम्मेलनमा उनले वर्तमान सरकार मधेश समस्या समाधानमा उदासीन रहेको, भ्रष्टाचार बढाउँदै लगेको तथा आत्मसमर्पणवादी हुँदै गइरहेको आरोप लगाए ।
अध्यक्ष थापाले राप्रपाले यही भदौदेखि आगामी कात्तिकसम्म मेची–महाकाली राष्ट्रिय स्वाभिमान यात्रा गर्ने र आमजनतालाई देशको समसामयिक परिस्थिति बताउँदै राष्ट्रिय एकता, अखण्डता, सार्वभौमिकताको विषयमा जागरुक गराउने, हिन्दूराष्ट्र पुनःस्थापनाको विषय जनतामा लाने तथा भ्रष्टाचारविरुद्ध अभियान सञ्चालन गर्ने जानकारी दिए । रासस
-1746009348.jpg)
