उपप्रधान तथा परराष्ट्रमन्त्री कृष्णबहादुर महराले अन्तर्राष्ट्रिय मामिलामा सरकार र पत्रकारको दृष्टिकोण एकै हुनुपर्ने बताएका छन् ।
नेपाल पत्रकार महासंघका नवनिर्वाचित पदाधिकारीहरूसँग आज परराष्ट्र मन्त्रालयमा भएको भेटमा उनेल भने – ‘परराष्ट्र नीतिका सम्बन्धमा मुलुकका सबै निकायका धारणामा एकरुपता ल्याउनुपर्छ ।’
सो अवसरमा परराष्ट्र सचिव शंकरदास बैरागीले मुलुकको विदेश नीतिका सम्बन्धमा पत्रकार महासंघले धारणा राख्दा परराष्ट्र मन्त्रालयसँग मेल खानुपर्ने बताए ।
पत्रकार महासंघका अध्यक्ष गोविन्द आचार्यले पत्रकारको हकहित, प्रेस स्वतन्त्रता, नागरिक हित र राष्ट्रको पक्षमा पत्रकार महासंघ सधैँ उभिने वचनबद्धता प्रकट गरे। उनले महासंघ लोकतन्त्रको हितमा निरन्तर लाग्ने पनि बताए ।
परराष्ट्र मन्त्रालयका प्रवक्ता भरतराज पौड्यालले ठूलो/सानो तथा सम्पन्न/विपन्न जस्तोसुकै मुलुक भए पनि मुलुकको विदेशी नीतिबारे एकै प्रकारको विचार प्रवाह हुनुपर्नेमा जोड दिए । रासस
-1746009348.jpg)
