सामाजिक सञ्जाल ट्वीटरले अक्षरको सीमा बढाएको छ। पहिला १ सय ४० अक्षर मात्र लेख्न पाइने ट्वीटरमा ८ नोभेम्बरबाट २ सय ८० अक्षर लेख्न पाइने भयो।
ट्वीटरले अंग्रेजी, स्पेनिस जस्ता भाषामा १४० अक्षरमा ट्वीट गर्न समस्या भएको भन्दै बढाएर २८० सम्म पु¥याइएको तर्क दिएको छ।
सन् २००६ मा ट्वीटर सुरूवात भएदेखि नै १४० अक्षरमा ट्वीट गर्न सकिने व्यवस्था थियो।
जापानिज, चाइनिज र कोरियनबाहेकका भाषामा यो सुविधा उपलब्ध हुने ट्वीटरले जनाएको छ।
तर धेरै नेपाली ट्वीटर प्रयोगकर्ताले भने ट्वीटरमा बढेको अक्षरको सीमा मन नपराएका छैनन्। कम शब्दमा बढी भन्न सकिने, आफैंले लेखेको कुरा सम्पादन गर्ने बानी बसिरहेका बेला सीमा बढाएर ट्वीटर पनि फेसबुक, इस्टाग्रामजस्तै बन्न लागेको भनेर उनीहरुले चित्त दुखाएका छन्।
https://twitter.com/belakoboli/status/928271577908576256
लेखक तथा विश्लेषक खगेन्द्र संग्रौलाले ट्वीटरमा लेखे–अक्षरको संकुचन र भावको सूत्रमयता ट्वीटरको कलात्मक विशेषता थियो। हैट्,अक्षर विस्तार गरेर ट्वीटरको निजत्वहरण गरिएछ। विस्तारवाद मुर्दावाद!
https://twitter.com/Neeshahere/status/928550287966478336
पत्रकार निशा राई लेखिन्–संसारमा छोटा मीठा कुराहरुनै प्रिय लाग्छन् ट्विटर तिमी अलिक लामो भएर नमीठो लाग्न थालेऊ।
https://twitter.com/brnpkrl/status/928458751178244096
बी कम्पनी नाम भएका अर्का ट्वीटर प्रयोगकर्ता असन्तुष्टि पोखे–लामो ट्विट गर्नेलाइ त २८० ठिकै होला। हामी लामोजस्तो ट्विट गर्निलाइ खासै फोइदा रैन्च– बि कम्पनीले भने।
भगवान १.० नाम राखेका ट्वीटर प्रयोगकर्ताले व्यंग्य गरे– ट्विटर पैलेः ऊ प्लेन उड्यो
https://twitter.com/God_Of_Nepal/status/928285953143185408
ऐलेः ऊ त्रिभुवन अन्तराष्ट्रिय विमानस्थलको धावनमार्गमा उत्तरबाट दक्षिणतिर २१५ किमि प्रतिघण्टाको गतिमा कुदेर मेलेसिया जानलाई १७८ नेपाली र ४८ विदेशी यात्रु बोकेर मलेसियन एयरलाइन्सको एमएच ३६० मोडलको सेतो रङको पिलेन उड्यो।
https://twitter.com/kedarsh/status/928116661286137857
लेखक केदार शर्माले सोझै असन्तुष्टि जनाए–मलाई यो २८० अक्षरवाला ट्वीटर मन परेन!
https://twitter.com/CPAryal/status/928141234337542144
सीपी अर्यालले दलहरुलाई लामै व्यंग्य कसे– पार्टीहरूले आफूलाई हाइटेक बनाए भो त! ट्विटरमा घोषणापत्रै अट्ने भो! वनविनाश किन गर्छौ? ‘वन विनाश नगर्ने दृढ संकल्पसहित हाम्रो भ्रान्तिकारी असमाजवादी दलदलको महान् ढाँटपत्र, ए हैन हैन घोषणापत्र, ट्विटरबाटै घोषणा गरिबक्सेका छौँ।’
https://twitter.com/RaameshKoirala/status/928090238865391616
चिकित्सक रामेश कोइरालाले पनि ट्वीटर र राजनीतिक दललाई व्यंग्य हाने– यो ट्विटरमा सबैलाई २८० दिने कुरा कुनचैँ दलको घोषणापत्रमा थियो हँ? फ्याट्टै पु¥याएछन् त।
https://twitter.com/mukesh2006/status/928125994883358720
मुकेश भैया नाम राखेका अर्का प्रयोगकर्ताले लेखे– हेर्नुस, अरु त कुनै गुनासो छैन, पहिला १४० अक्षरमा ट्रोल गर्थे, अब २८० अक्षर मा गर्ने भए। २८० अक्षरमा ट्रोल गर्नेलाई पढेर जवाफ फर्काउने काम गरिन्न!
-1746009348.jpg)
