महोत्तरी जिल्लाको बलवा नगरपालिका – ७ बनौटामा ट्र्याक्टरको ठक्करबाट एक किशोरको मृत्यु भएको छ ।
ठक्करबाट बलवा नगरपालिका– ७ बनौटाका मोहिलाल यादवका १४ वर्षीय छोरा रञ्जीतकुमार यादव रहेको जिल्ला प्रहरी महोत्तरीका प्रहरी नायब उपरीक्षक प्रकाश मल्लले जानकारी दिएका छन् ।
गए राति बनौटाबाट टिकुलियातर्फ जाँदै गरेको ज १त ८४३७ नं को ट्र्याक्टरले पैदलयात्री यादवलाई उनको घर नजिकै ठक्कर दिँदा उनी गम्भीर घाइते भएका थिए ।
उपचारका लागि अञ्चल अस्पताल जनकपुर लगेकोमा उनलाई त्यहाँ उपचार सम्भव नभएपछि थप उपचारका लागि विराटनगरस्थित गोल्डेन अस्पतालमा लगिएको थियो । उपचारका क्रममा शनिबार बिहान सोही अस्पतालमा यादबको मृत्यु भएको प्रहरी नायब उपरीक्षक मल्लले बताए ।
(रासस)
