दाङ प्रहरीले एकजना भारतीय नागरिकलाई ब्राउन सुगरसहित पक्राउ गरेको छ।
घोराही उपमहानगरपालिका वडा नम्बर १५ को जेसिज मार्गमा भारतको बहराईच निवासी ३४ वर्षीय परवेज आलमलाई ब्राउन सुगरसहित पक्राउ परेको दाङकी प्रहरी प्रमुख प्रहरी उपरीक्षक दुर्गा सिंहले जानकारी दिइन्।
गोप्य सूचनाको आधारमा आलम पक्राउ परेको प्रहरीले बताएको छ। दाहिने खुट्टाको मोजाभित्र प्लाष्टिकमा लुकाएर राखेको ब्राउन सुगरसहित आलम पक्राउ परेको एसपी सिंहले जानकारी दिइन्। पक्राउ परेका आलमका विरुद्ध लागूऔषध शीर्षकमा मुद्दा दर्ता गरी अनुसन्धान भइरहेको प्रहरीले जानकारी दिएको छ।
पछिल्लो समय दाङ र भारतको सीमा नाका हुँदै लागूऔषधको कारोबार हुँदै आएको छ। दाङ लागूऔषधको ट्रान्जिट प्वाइन्ट बन्दै गएको हुँदा त्यो निणन्त्रणमा प्रहरी चनाखो भएको प्रहरीले जानकारी दिएको छ।
